Table ronde : corpus informatisés pour les études occitanes

14 juillet 2017
Albi

Une table ronde sera consacrée aux corpus informatisés pour les études occitanes lors du Congrès AIEO 2017 à Albi.

Descriptif :

Corpusses informatizats pels estudis occitans : perqué ? cossí ?
Animada per Miriam BRAS
Divendres 14 de julh de 2017 /  Vendredi 14 juillet 2017 –  17:30

A l’ora d’ara, lo trabalh dels cercaires en lingüistica e en literatura s’apèva de mai en mai sus de corpusses informatizats. Per l’occitan, coma per las autras lengas en dangièr, la bastison de corpusses textuals e d’aisinas de tractament automatic de la lenga es a l’encòp necite per garantir la preséncia de la lenga dins lo mond numeric e per metre a posita dels cercaires de ressorgas e d’aisinas comparablas a çò qu’existís per las autras lengas.
Dempuèi un quinzenat d’ans, mantuns projèctes an espelit per recampar de tèxtes de totas las epòcas jos la formas de concordanças, d’edicions electronicas, de bibliotècas virtualas o de basas textualas (la Concordança de l’Occitan Medieval, lo Còrpus Electronic de l’Occitan Gascon, lo  Pichon  Thalamus  de  Montpelhièr ; la Biblioteca Tholosana, lo Corpus literari de las Renaissença Gascona, la Bibliotèca Virtula de la TorManha ; BaTelÒc, etc.). D’autre latz, devèm complir d’autras escomesas e desvolopar d’aisinas de tractament automatic de l’occitan per una expleita cion encara mai aprigondida dels tèxtes.  
Prepausam de recampar a l’entorn de la taula redonda de cercaires en literatura e en lingüistica que s’apevaràn sus lor experiénça de la bastison d’un còrpus informatizat per escambiar amb los representants del Congrès Permanent de la Lenga Occitana e del CIRDÒC suls ligams a bastir entre los projèctes per avançar dins la mesa a posita dels tèxtes occitans e sus las amiras de tractament automatic de l’occitan estructuradas per la Fuèlha de Rota pel desvolopament numeric de l’occitan del Congrès, e pel projècte RESTAURE qu'associa mai d’una lenga de França per mutualisar las aisinas e los sabers-fars.

Interveneires :
- Dominique Billy, Universitat Tolosa - Joan Jaurés
- Miriam Bras, Universitat Tolosa - Joan Jaurés
- Jean-Baptiste Camps, Escòla Nacionala de las Cartas
- Gilles Couffignal, Universitat Paris Sorbona
- Benaset Dazeas, Congrès Permanent de la Lenga Occitana  
- Noëmia Eyraud, CIRDÒC & Universitat Pau Valery (Montpelhièr 3) –  LLACS-RedÒc