Ecminchmint
Ed quoè qu'i nn'est tchestion
RESTAURE : RESsources informatisées et Traitement AUtomatique pour les langues REgionales
I y o grandmint de gins achteure qui travalte à foaire des atrintchillages pi des outieus pour chés langues qu'alles ont moins d'atrintchillages èque d'eutes. Ch'est comme o surtoute rapport à chés corpus pis à chés lexiques. A l'fin des fins, ch'qu'os espèrons, ch'est de définde et pi d'épars ch'patrimoine ède nos tchultures. Chés langues régionales ède France, o put dire qu'a n'ont mie grand keuze à eux in fait d'atrintchillages pi d'outieus lindjuistiques. Et toutes chés langues qu'a nn'ont point grandmint comme cho, ch'qu'elles ont de commun, ch'est que d'ezz informatiser, a n'est mie vraimint rintabe, tandis qu'ech traval il est fin tcher. Mais ch'est un vrai souci de leu don.ner dz'atrintchillages électroniques, pour ezz épars, zzé définde et pis zz'inseigner (pis euchi à chés nouvieux perleus). In voèyant plus large, cha sroait boin de foaire cho, pour ène point tchitter moérir el diversité d'chés langues d'ech monde, pis pour que chés cacheus in keuzes humaines pis sociales (lindjuistique, sociologie, anthropologie, littérature, histoère...) is euchté coère plus ède dotchumints.
Avu ch'projet RESTAURE, os avons yeu dins l'idée ède racacher dz'atrintchillages informatiques pis dz'outieus à traitemints automatiques pour troès langues régionales ède France : chl'alsacien, chl'occitan et pis ch'picard. Pour ènn'arriver lo, i feudro foaire des nouvieux modèles, ajustés à chés langues qu'alles ont seulemint un molet d'atrintchillages et qu'a n'sont point d'trop standardisées. Pourquoè qu'os ons coèsi chés troès langues-lo ? Ch'est qu'a sont ède différintes familles ède langues, pis qu'i y o djo du traval ède foait dins l'sins d'èch projet. Adonc o pourro erpartir d'ech traval foait pour mette in commun chés fachons d'vir pis d'foaire, ch'qu'os o apprins pis chés outieus qu'os o fabritchés dins chés projets d'avant.
Dates
- Ecminchmint d'ech projet : 1er janvier 2015
- Londjeur : 42 moès
Financhemin
Projet finanché per l'ANR, convintion ANR-14-CE24-0003
