Presentacion

Descripcion del projècte

RESTAURE : RESsorgas informatizadas e Tractament AUtomatic per las lengas REgionalas

Se pòt constatar, a l’ora d’ara, de mai en mai d’interés per las òbras que la tòca n’es de bastir de corpora, de lexics e d’aisinas de tractament automatic per las lengas qu’an pas o pauc de resorgas d’aquesta mena, que son dichas lengas « pauc provesidas ». La tòca mager es d’ajudar a aparar e a difusir lo patrimòni cultural. Las lengas territorialas de França pòdon èsser consideradas coma pauc provesidas del punt de vist de las resorgas e de las aisinas linguisticas. Per totas las lengas que son dins aquesta situacion, l’informatizacion es pas o pauc rendabla e se pòt pas far compés al fòrt còst de desvolopament d’aquelas aisinas electronicas.  Pr’aquò, es bravament important de provesir aquelas lengas de resorgas electronicas coma de corpora, de lexics e de diccionaris, tant plan coma d’aisinas informaticas per tal d’assegurar lor difusion, lor salvagarda e lor ensenhament, mai que mai als neoparlaires.  Dins una amira pus larga, provesir las lengas pauc provesidas permet d’aparar melhor la diversitat de las lengas del monde  e de far créisser las donadas a posita dels cercaires en letras e en scienças umanas e socialas (linguistica, psicologia, antropologia, literatura, istòria…)

La tòca del projècte RESTAURE es de porgir de ressorgas informatizadas e d’aisinas de tractament automatic per tres lengas regionalas de França : l’alsacian, l’occitan e lo picard. Per complir aquel pretzfach, calrà desvolopar de modèls adaptats a las lengas qu’an pauc de ressorgas e que son pas gaire estandardizadas. Se causiguèt aquelas lengas per mai d’una rason : son de familhas de lengas diferentas e caduna a ja fach l’objècte de trabalhs dins los domènis cobèrts pel projècte. Se poirà doncas apevar sus aqueles primièrs trabalhs per partatjar los apròchis, las experiénças e las aisinas desvolopadas dins los projèctes anteriors.

Datas

  • Començança : 1èr de genièr de 2015
  • Durada : 42 meses

Finançament

Projècte finançat per l'ANR, convencion ANR-14-CE24-0003